أخبار عاجلةالمنطقة الحرةسلايدرشئون مصرية

الأثرى ” أحمد صالح “يكتب لـ ” المحروسة نيوز” عن : “فضيحة” متحف شرم الشيخ ..إفتتحه “الرئيس السيسى “منذ 3 شهور بعد إنفاق 810 مليون جنيه .. مقتنياته الأثرية غرقت وتعرضت للتلف والكسر بسبب السيول !!

في يوم 10 فبراير، 2021 | بتوقيت 5:20 صباحًا

متحف شرم الشيخ احد ثلاثة متاحف افتتحتها فخامة  الرئيس عبد الفتاح السيسى يوم 31 أكتوبر 2020 أى منذ حوالى 100 يوم  وهو متحف مقام علي مساحة 191  الف متر مربع ويحتوي 5200 قطعة اثرية ..وبجانب القاعات التجارية وهي ما يهتم بها مسئولو الاثار ( زي المطاعم والبازارات والمسارح وقاعات الاحتفالات ) يوجد ثلاث قاعات للعرض .

والغريب ان اغلب القطع الاثرية منقولة من متاحف (هات من ده وحط في دا …ودي السياسة اللي شغالة في الوقت الحالي) ..المتحف دا اتكلف 810 مليون …يعني مليار الا شوية …المفروض يطلع متحف زي ما بيقول الكتاب.

وبيبقي معمول حساب حاجات غير متوقعة زي السيول والأمطار لان المتحف موجود في بيئة معرضة لده ، ودي بديهية من البديهيات

طبعا جنوب سيناء اتعرضت لأمطار وسيول ..إحنا ميهمناش حاجة طبعا لاننا صارفين مليار الا شوية واكيد عاملين حسابنا …طبعا الحكاية مش كده!!.

 

الحكاية طلعت فنكوش والقاعات اتملت بالميه …المفروض اننا مستعدين لده ..يعني نقدر ننقل الأثار في أمان وبطريقة علمية ويتم عمل صيانة بسرعة ..برضه الحكاية مش كده ولا اإحنا كنا مستعدين من أصله ..اثناء النقل المستعجل تعرضت قطع اثرية كتيرة للكسر …الفاترينات اتملت بالمية …الميه دخلت علي الحمامات الرومانية واتلفتها !!

وجايبلكم خمسة صور بتقول قد ايه احنا عباقرة في التخطيط والاستعداد :

1- تمثال الاسد اللي خارج المتحف اتعرض للتلف والكسر

2- طبعا تم ترميم تمثال الاسد بطريقة سيئة ومستعجلة

3- لوحة النائحات سحبوها من الجانب المنقوش فتعرضت للتلف

4-فاترينة تماثيل الايبس تعرضت الايبس اللي فيها للتلف وطبعا شالوها عشان الناس متشوفش الكارثة

5- نجفة غرفة الاميرة شويكار اللي هي من الكريستال اتكسر منها ابليكين وطبعا بيفكروا يضحكوا علي الناس ويستبدلو الجزء الناقص بابليكين زجاج والصورة اللي قدامكم دي بتوضح ان النجفة من غير الابليكين المكسورين

دا متحف بيفخر الوزير انه من انجازاته ….شكرا علي انجازاتك اللي مبتكملش 4 شهور وكمان بتعرض الاثار للتلف!!!

 

  • كاتب المقال

  • احمد صالح

الدكتور أحمد صالح
  • حاصل على ليسانس الآثار بجامعة القاهرة عام 1988 وكان من أوائل دفعته وحصل علي ماجستير العلوم بقسم المصريات بجامعة مانشستر – المملكة المتحدة عام 2002م في موضوع “التحنيط في مصادر الدولة القديمة“، وحصل علي المركز الأول في دورة عن تطبيق أنظمة المعلومات الجغرافية في الآثار في أوبسالا بالسويد عام 1995

  • وحصل علي شهادة خاصة من المجلس العالمي للمتاحف بسبب دوره في تأسيس متحف التحنيط بالأقصر ونال شهادة خاصة من اليونيفرستي كولج بلندن

  • تدرجة الوظيفى عمل مفتش آثار بمنطقة آثار الجيزة 1990 وكان أحد اعضاء الفريق المصري الذي كشف عن مقابر العمال الذين بنوا الاهراهات

  • باحث وناشر علمي بمكتب رئيس هيئة الآثار 1993

  • حصل على دورة تدريبية في “أنظمة المعلومات الجغرافية واستخدامها في الآثار” عام 1995 أوبسالا – السويد

  • عمل مديرا للمكتب الفني للأمين العام للمجلس الأعلى للآثار وسكرتير المؤتمر الأول للمجلس العربي للمتاحف

  • عمل أيضًا كأول مدير لمتحف التحنيط بالأقصر 1996 – 1999 ثم من 2000 – 2001م وهو الذي أسس المتحف الوحيد في العالم الذي يدور حول فكرة التحنيط وعملية التحنيط.

  • مدير آثار أبو سمبل 2001-2004،  مدير آثار ميت رهينة بالجيزة ،  مدير اثار معابد أبوسمبل والنوبه ،مدير صندوق انقاذ النوبة ،مدير عام اثار اسوان ،مدير النشر العلمى بآثار أسوان

الدكتور أحمد صالح يكتب لـ ” المحروسة نيوز” : محاكمة المسئولين عن مهزلة تمثال ” رمسيس الثانى ” بمعبد الأقصر واجبة وفقاً لقانون الآثار!!

الوسوم

مقالات ذات صلة

إغلاق