ولما كانت الحياة دروس كتبت بعض الدروس…
و ليس اي دروس ..الدرس (73) “بركة إحترام النعمة “
من سنين عديدة وأنا صغير كنا بنفطر في النادي وكنت طفل صغير..وأنا باكل وقعت مني حتة عيش علي الارض وفي رد فعل سريع بحسن نية وعلشان محدش يدوس عليها ، زقيتها برجلي وطبعاً قعدت أمد رجلى وأزق لغاية ما لزقتها جنب رصيف المكان اللي بنفطر فيه.
بابا الله يرحمه كان بيراقبي ومرة واحدة اتعصب وسألني : إنت بتعمل إيه ؟!.
رديت : بأحط العيش علي جنب عشان وقع مني في الأرض وأتوسخ .
طلب مني طلب غريب .. قاللي إنزل هاتها من علي الأرض ..فنزلت من علي الكرسي ووطيت جبتها من علي الأرض … قالي بوسها وحطها علي قورتك وبعدين حطها بإيدك علي جنب ..دي نعمة ربنا ولازم تحترمها عشان ربك اللي أنعم عليك بيها وتستمر وإلا النعمة تزول ..فهمت .. فهمت .. آه فهمت.
إتربينا علي إن نعمة ربنا ما تترفضش أياً كان السبب .
لو وقع منك حتة عيش توطي تشيلها وتبوسها وتحطها علي قورتك أو رأسك ،ولو الارض ناشفة تنفضها ونظيفة وتأكلها.
وكنا نسأل ولو وقعت في حته مبلولة أو مش نظيفة ؟…برضه تبوسها من بعيد وترفعها علي راسك وتحطها علي جنب عشان فيه غير البشر مخلوقات تانية ينفع تأكلها علي حالتها.
ماتقومش إلا لما تخلص طبقك ومفيش لقمة عيش تتساب ووجعك يا بطني ولارمي الطبيخ ..
البركة كانت مغطية كل حاجة ..كل حاجة.
طب إزاي متوقعين إن البركة تحل وإنت سايب ولادك يرموا بقية العيش في الزبالة..ويسيبوا الرز في الطبق والست تدلق كله فوق بعضه وترميه في الزبالة والقطط والكلاب تقطع الكيس وتبعتر الزبالة !!
وتسيب ولادك لو لقوا أكل في الشارع ينطوا من فوقه أو يزقوه برجلهم !!.
عاملوا النعمة بأدب زي ما أهالينا علمونا وعلموا ولادكم كمان
البتر علي النعمة يتسبب في زوالها
اللهم بلغت اللهم فأشهد
كاتب المقال
الدكتور “حسن صادق رضوان ”
المحاضر المتخصص في التحول الرقمى لقطاع السياحة
الخبير والمحاضر التسويقى الدولى
رئيس مجلس الإدارة والعضو المنتدب لشركة القاهرة
لأنظمه الحاسبات المتكاملة للموارد CIHOST
“الدكتور حسن صادق رضوان ” يكتب لــ ” المحروسة نيوز ” عن : دروس الحياة..الدرس ( 66 ) جشع التجار
“الدكتور حسن صادق رضوان ” يكتب لــ ” المحروسة نيوز ” عن : دروس الحياة..الدرس ( 66 ) جشع التجار
“الدكتور حسن صادق رضوان ” يكتب لــ ” المحروسة نيوز ” عن : دروس الحياة..الدرس ( 66 ) جشع التجار
“الدكتور حسن صادق رضوان ” يكتب لــ ” المحروسة نيوز ” عن : دروس الحياة..الدرس ( 66 ) جشع التجار
“الدكتور حسن صادق رضوان ” يكتب لــ ” المحروسة نيوز ” عن : دروس الحياة..الدرس ( 66 ) جشع التجار
“الدكتور حسن صادق رضوان ” يكتب لــ ” المحروسة نيوز ” عن : دروس الحياة..الدرس ( 66 ) جشع التجار
“الدكتور حسن صادق رضوان ” يكتب لــ ” المحروسة نيوز ” عن : دروس الحياة..الدرس ( 66 ) جشع التجار
