أخبار عاجلةالمنطقة الحرةسلايدرشئون مصرية

“الدكتور حسن صادق رضوان ” يكتب لــ ” المحروسة نيوز ” عن : دروس الحياة..الدرس ( 66 ) جشع التجار

في يوم 11 يونيو، 2021 | بتوقيت 4:37 مساءً

ولما كانت الحياة دروس كتبت بعض الدروس ..وليس اي دروس .. الدرس ..

( 66 ) جشع التجار 

 وَظَلَّلْنَا عَلَيْكُمُ الْغَمَامَ وَأَنْزَلْنَا عَلَيْكُمُ الْـمَنَّ وَالسَّلْوَى كُلُوا مِنْ طَيِّبَاتِ مَا رَزَقْنَاكُمْ وَمَا ظَلَـمُونَا وَلَكِنْ كَانُوا أَنْفُسَهُمْ يَظْلِـمُونَ 

من سورة البقرة- آية (57)

نزلت السوق اشتري خرطوم مياه لزوم الجنينة اللي في البلد في الصالحية يوم الوقفة …فرحت مكان بيع الخراطيم اللي تحت الكوبري اللي في الاوتوستراد المطلوب خرطوم 3/4 بوصة سيليكون .

وصلت اول محل لقيت الراجل قام نط من علي الكرسي اتفضل حضرتك .. قلت الراجل سكله بقاله كتير ما بعش … ننفعه 

– عاوز خرطوم 3/4 سيليكون 

– فيه ده ب،،15 جنيه وفيه ده ب 21.5 جنيه وهو

– ليه غالي كده 

– اصل ده محمل و الماركة المصري دي محترمة جدا بس غالية 

ولأني متوقع سعر تاني للخرطوم رديت 

– لا غالي قوي ده عندي في البلد كبيره ١٠ جنيه ابو 21.5 اللي انت بتقول عليه ده

و اديته طهري و نزلت السلم و هو ورايا عمال يسال سؤال واحد … ” طب انت عاوزه بكام ” قلتله ب 10 جنيه قال بعيد خالص

سيبته و مشيت 20 متر لقيت واحد تاني فاتح برضه قام وقف و نزل السلم و انا لسه في العربية 

– اتفضل حضرتك 

– فيه خراطيم 3/4 سيليكون ؟

– فيه 

– بكام ؟ 

– هو انت جاي تسأل و لا حا تشتري ؟

مقدرتش بقي… هبيت في وشه  

– و انا يعني لو نزلت يا عبقري و اتفرجت و نزلت الحاجة كلها و ما اشريتش حاتعمل ايه ؟ 

– ولا حاجة 

– يبقي بلاش فزلكة و فكر قبل ما تتكلم 

فتحت الباب و نزلت و قعد يفرجني علي الخراطيم ده ب 7 و ده ب 8

المهم و انا بتفرج لمحت الخرطوم اللي كان عند صاحبنا المحمل و اللي عليه الكتابة

– عاوز من الخرطوم ده

– بس ده خرطوم محمل و غالي 

– ماشي عاوز منه 20 متر يعمل كام 

بصلي كده و نفخ 

– بص بقي معلش لو حتاخد 20 متر هذه هو والعمل  ما اقدرش اعمل خصم الخصم لو خدت اللفة 

– اعمل ايه باللفة هم  20 متر

– يبقي هي كلمة واحدة 10 جنيه

– كام؟

-10جنيه ما انت واخدة حته صغيرة

و اشتريته ب 10 جنيه المتر و الفرق ما بين الراجلين 11.5 جتيه في المتر يعني الاول كان سارقني فوق ال 200 جتيه.

ظلم نفسه و كنت حاظلم نفسي لو اشتريت من الضلالي ده

لو كلنا توقفنا عن شراء الحاجة اللي مبالغ في تمنها كل حاجة حا تتعدل 

الليمون موسم و البامية موسم و فيه لمون قزايز و فيه بامية مجمدة و فيه مليون صنف انتو مش بتتوحموا !ََ6

شجرة اللمون ممكن تزرعها قدام بيتك او في برميل بلاستيك في البلكونة

اهتموا شوية بالانتاج بدل الشكوي 

وانتم يا تجار ياللي مفيش عندكم ضمير انصحكم تقروا سورة المطففين

سورة المطففين

كاتب المقال

الدكتور حسن صادق رضوان

المحاضر المتخصص في التحول الرقمي لقطاع السياحة

الخبير والمحاضر التسويقى الدولي

العضو المنتدب ورئيس مجلس ادارة شركة CIHOST

الوسوم

مقالات ذات صلة

إغلاق