أخبار عاجلةالمنطقة الحرةشئون مصرية

“الدكتور حسن صادق رضوان” يكتب لــ ” المحروسة نيوز”عن : عـــــيد الأب

في يوم 21 يونيو، 2021 | بتوقيت 6:37 صباحًا

الأب هو الشخص الوحيد فى البيت اللى كلامه بيفضل يرن فى الودان بعد ما يرحل و يترك إبنه اللى بقى فى مكانه وكل موقف يتكرر يقول الله يرحمك يابا

الأب هو الوحيد اللى كلامه ما يتبلعش و لا يتفهمش إلا بعد الاولاد ما يكبروا فيقولوا الله يرحمك يا با

الأب هو الوحيد اللى بينام نص عين عشان خايف على أسرته اللى بتنام ملو عينيها عشان هو موجود

الأب هو الوحيد المتهم بالمبالغة فى الحماية

الأب هو الوحيد اللى متهم إنه مش فاهم أصحاب ولاده وبعدين يتقال عليه ده كان بيقرا الطالع لما تظهر حقيقة الأصحاب

الأب هو الوحيد اللى عمر الست ما تحس بشعوره و خوفه عليها وعلى بنته وأخته وأمه

كوميدى

الأب هو الوحيد فى البيت اللى لما يجى مسافر مع صحابه يتسأل؛  أتبلك فراخ و لا حاتجيبوا أكل من بره.7

ولما المدام تروح تصيف مع الولاد و هو فى الشغل مطحون كل مرة تكلمه تقوله فاتك الملوخية والبط،وفاتك المحشى ،وفاتك الحمام وبعد ما يجرى ريقه ويقرر يطبخ يكتشف أكبر عملية سرقة للفريزر.. المدام  لمت كل حاجة فى الفريذر و سافروا!!

فيرفع إيديه بالدعاء لربه و يقول” ألف هنا و شفا ” و يرفع السماعة ويطلبهم و يسأل إن شاء الله تكونوا مبسوطين .

و فعلاً يكون حايطير من الفرحة لما الرد يكون الجو تحفة ومش ناقصنا حاجة إلا إنك تكون معانا ، ساعتها طظ فى الأكل و تحس فعلا إنك إنت الأب

عندما ترى الأسد بعد معركة للدفاع عن أشباله وهم يلعبون حوله .. تشعر به تغمره السعادة لنجاحه فى أصعب مهام البشرية … إنها الأبوة

كل سنة و أنا طيب يا كل أب .. والله يرحمك يا حاج صادق

اللهم إجعلنى خير خلف.. لخير سلف .. والحمد لله رب العالمين

 كاتب المقال

الدكتور “حسن صادق رضوان ”

المحاضر المتخصص في التحول الرقمى لقطاع السياحة

الخبير والمحاضر التسويقى الدولى

رئيس مجلس الإدارة والعضو المنتدب لشركة القاهرة

لأنظمه الحاسبات المتكاملة للموارد CIHOST

“الدكتور حسن صادق رضوان ” يكتب لــ ” المحروسة نيوز ” عن : دروس الحياة.. الدرس (58) “إنه الأب يا سادة“

الدكتور حسن صادق رضوان يكتب لــ ” المحروسة نيوز ” عن : دروس الحياة 9 (إنه الأب )

الدكتور حسن صادق رضوان يكتب لــ ” المحروسة نيوز ” عن : دروس الحياة 7 (حُسن التربية )

“الدكتور حسن صادق رضوان ” يكتب لــ ” المحروسة نيوز ” عن : دروس الحياة.. الدرس ( 47 ) هل هناك موعداً للحب؟!

“الدكتور حسن صادق رضوان ” يكتب لــ ” المحروسة نيوز ” عن : دروس الحياة.. الدرس ( 49 ) “ مشاعر المغناطيس “

“الدكتور حسن صادق رضوان ” يكتب لــ ” المحروسة نيوز ” عن : دروس الحياة.. الدرس ( 51 ) “فلسفة الفراق “

“الدكتور حسن صادق رضوان ” يكتب لــ ” المحروسة نيوز ” عن : دروس الحياة.. الدرس ( 52 ) “ولد الولد .. أعز الولد “

الوسوم

مقالات ذات صلة

إغلاق