آثار ومصرياتأخبار عاجلةسلايدر

نكشف عن بعض جوانب الأخطاء التاريخية الكارثية بمسلسل ” الملك “

في يوم 8 أبريل، 2021 | بتوقيت 3:00 مساءً

علشان الناس اللي لسه بتدافع عن مسلسل الملك ومستهونة بحتة الدقن والشعر بإختصار المصري القديم كان بيعتبر الشعر فيه شيء من الدنس وكان بيحلق شعره ودقنه في معظم الأوقات وبيستبدلهم بباروكة ولحية مستعارة وكان بيصور أعداءه دايماً بشعر ودقن ودي أكتر جزئية بيتم بيها التفرقة بين المصري والأجنبي على النقوش والآثار ..

زي بالظبط النقش اللي قدامنا ده وهو موجود على صدر عربة حربية مصور عليها الملك تحتمس الرابع وهو حليق الذقن وهو بيقهر أعداءه وشعرهم ودقنهم طوال وبيدهسهم بخيول العربة وجنوده بيسلسلوهم وبيقضوا عليهم ..

تخيل بقى انت تصور كل المصريين في المسلسل بدقون وشعر عادي اللي هو لو مكانش قدامنا نقوش وتماثيل وآثار بتعكسلنا الصورة الحقيقية كنا هنعمل ايه ف ليه نحرف ونزيف تاريخ واضح وملامح مش محتاجة تخيل وده خطأ واحد بس من جملة أخطاء المسلسل الشنيعة.

نقلا عن صفحة المؤرخون المصريون  Egyptian Historians على الفيس بوك

مقالات ذات صلة

إغلاق