انا هكتب كام نقطه مبسطة بأمر الله للناس التي لديها رغبة أكيدة فى الإقلاع عن التدخين فنركز سوا وباذن الله هتُقلع بس المهم الاراده والعزيمة.
التدخين زي ما احنا عارفين مبني علي كذا نقطه كده باختصار
الاولي..
الوجاهة بالتدخين
الثانيه..
الملل القلق والتوتر بيخليك عاوز تخرج كبتك وتحرق في اي حاجه فبتلاقي التدخين هو الوسيله اللي بتريحك وخصوصا علشان النيكوتين اللي فيه
دي خلاصة اسباب التدخين طيب نبطل ازاي؟!
قبل ما اقولك علي الطريق حابب اوضحلك نقطة ان التدخين بالاضافه للمكونات الضاره اللي فيه
ففيه النيكوتين العامل الرئيسي او المادة الفعاله زي ما بنقول
النيكوتين بيتفرز اصلا بشكل طبيعي في جسمك اللي بيساعد في افراز نواقل عصبيه زي الدوبامين اللي بيسبب الشعور بالسعاده وبيحسن المزاج
وبالتالي لو انت عودت جسمك ان ياخد النيكوتين من بره فجسمك هيعتمد علي المصدر الخارجي ويبتدي يبطل افراز النيكوتين فيحصل الادمان.
دلوقتي اقدر اجاوب… ازاي نبطل التدخين؟!
اولا..
العزيمه والاراده وقبلهم الايمان بالله وانك عاوز تحافظ علي الأمانة اللي ربنا ائتمنك عليها
ثانيا..
العلاج… العلاج اللي هيساعدك تبطل التدخين في منه نوعين مشهورين قوي في سوق الدواء المصري هبدأ بأفضلهم وهو المستورد #nicoretteGum
ده عباره عن نيكوتين علي هيئة اقراص مضغ بيبقي فيه منه تركيزين 2 مجم و 4 مجم
كل تركيز علي حسب عدد السجاير اللي بتدخنها
فلو بتدخن اكتر من 25 سيجاره في اليوم بتستخدم تركيز 4 مجم
اما لو بتدخن اقل من 25 سيجاره في اليوم فتركيز 2 مجم هو المناسب
طيب الجرعه ازاي؟!
الجرعه هتمشي عليها تدريجي لمدة 9 اسابيع متتاليه…
اول 3 اسابيع
هتاخد قرص مضغ كل ساعتين في اليوم لمدة الـ 3 اسابيع الاول ولو قرفان اوي ممكن تزود قرص بعد اول ساعه من الساعتين وبعدها تمشي طبيعي كل ساعتين قرص
من الاسبوع الــ 4
هتاخد قرص كل 4 ساعات في اليوم لمدة 3 اسابيع ولو قرفت بتزود قرص بعد ساعتين من الــ 4 ساعات ثم تمشي تدريجي تاني قرص كل 4 ساعات
من الاسبوع الــ 7 بقي
هتاخد قرص كل 8 ساعات لغايه ماتخلص الاسبوع بــ 9 … وبالشفا
طبعا في فتره العلاج توقف التدخين وتكتفي بالعلاج وتبعد عن اي حاجه تفكرك بالدخان
ده كان بالنسبه للنيكورت اللي بالمناسبه في منه لزقات ع الجلد لها نفس التأثير بس ده مستورد…
تاني حاجه مشهوره هي #champix
وده اقراص برضه منه تركيزين 0.5 مجم و 1 مجم شبيه بالنيكوتين في التأثير بيشتغل ع ال nicotinic receptors وهي بتاعت النيكوتين برضه
طريقه استخدامه مختلفه شويه عن اللي قبله
تبتدي العلاج
قرص صباحا كل يوم لمده 3 ايام تركيز ال 0.5 مجم
ثم من اليوم الرابع قرص صباحا وقرص مساءا تركيز ال 0.5 مجم
ومن اليوم الثامن قرص 1 مجم صباحا وقرص مساءا لغايه اليوم 28 كده 4 اسابيع
ولو لقيت تحسن طفيف كمل 8 اسابيع كمان بنفس اللي بدأت بيه اول مره.
ملحوظة
ابدأ العلاج عادي بس قلل تدخينك للنص في اول 4 اسابيع يعني مثلا بتدخن 24 سيجاره في اليوم ابدأ العلاج وقلل التدخين لـ 12 سيجاره في اليوم ، لمدة 4 أسابيع ثم لـ 6سجاير لمدة 4 اسابيع تانيين ثم 3 سجاير في اليوم لمدة 4 اسابيع اخرين مع استمرار العلاج بنفس الجرعات اللي قلتها في الاول….
لازم تتابع وظايف كلي و مستوي ال CrCl.
دول طريقتين مبسطتين.
