أخبار عاجلةسياحة وسفر

الدكتور حسن رضوان يكتب لـ” المحروسة نيوز “: ملاحظات على إعلان الترويج السياحى فى CNN

في يوم 27 مايو، 2019 | بتوقيت 3:18 صباحًا

لما تطلب اعلان من شركة او وكالة اعلانات المفروض تبقي ابسط حاجة عارف :
1- الاعلان حايغطي معلومات ايه و الاحداث المهمة و تراجع المعلومات
2- الفئة المستهدف وصول المعلومة ليها
3- تراجع الاعلان
وقبل ده كله تتأكد ان الوكالة ناجحة مع الفئة المستهدفة
طيب اعلان سي ان ان اخباره ايه ؟؟
اقولك …. بعد مشاهدة الاعلان لقيت شوية ملحوظات و بصراحة حأقول حاجات بسيطة منها
1- مصر داخلة علي بطولة الامم الافريقية و الاعلان ماجابش سيرة عن الحدث من قريب ولا من بعيد و حتي لما جاب سيرة الكورة جاب محمد صلاح لابس فانلة ليفربول ،وده على   اساس ان منتخب البلد اللي الاعلان عنها مش فارق و لا عشان محمد صلاح ملوش صور مع المنتخب و لا الاعلان ملموم فخلينا نلم شوية صور مايلمهاش عيل في ابتدائي …هو الغرض الحدث ولا محمد صلاح و الصور في ملعب بره مصر ….اومال دعاية لمصر ازاي

2- مش شايف اي اشارة لمسار العائلة المقدسة والساحل الشمالي و العلمين و لا اي حاجة من الحاجات الجديدة و لا الفنادق وحاطين شوية صور ميه و بحر موجودين في اي حته في الدنيا …ايه الاعلان في كده ده لو اعلان بنسيون فونتانا يبقي فيه شغل عن كده

3- ايه صورة الاكل العجيبة اللي فيها كام قرص طعيمة مع يافطة لمطعم “زوبه” و صورة شحاته من AFRICA star clip

4- كويس ان فيه اشارة عن طريق الصور لفئة المفروض تكون عارفة الصورة بتاعة رمسيس فتبقي كناية عن المتحف الكبير

5- هي القاهرة هي الست اللي كل شوية تتصور و الناس اللي بتتشقلب دول مين؟

6- افتتاح المتحف الكبير 2020 ….بطولة كاس العالم لكرة اليد 2021

انا اكتفيت بالنقاط دي ….لكن الناس لازم تاخد بالها اننها بتتكلم علي مصر و لو السي ان ان مش عارف يبقي لازم نوفر المعلومة اللي احنا عاوزينها توصل و لازم نعمل شغلنا بما يرضي الله و بما تستحقه هذه البلد و ليس بنظرية “انا عملت اللي عليا و ماليش دعوة”

ارحموا مصر

 

مقالات ذات صلة

error: Alert: Content is protected !!