مفيش حل لمشكلاتنا إلا بالتعامل معاها من جهة أعلى منها!
لو بصيت للشارع وانت ماشي فيه مش هتقدر تعرف أبعاده كلها..
لكن لو بصيت من دور عالي هتشوف الشارع بالكامل وتصغر في عينيك تفاصيله الصغيرة..
اللي حاسس إن الدنيا ضاقت بيه لو فكر إنها لا شيء في العالم الفسيح، وإن فيه حياة تانية أهم منها، هيحس إن الدنيا لحظات وهتعدي، اعمل إيه في اللحظات دي بقى عشان استفيد منها للحياة الحقيقية ؟
اللي بيعاني من مرض (ربنا يعافينا جميعا) لو أعاد النظر في حقيقة المرض ممكن يتحول البلاء والمحنة لمنحة كبيرة لو صبر.
نفس الكلام عن اللي بيعاني من الفقر..(الفقر الأسوأ هو فقر النفوس من المعرفة والأخلاق)
يعني اللي بيعاني من ضائقة مادية لو فهم إن الفلوس رزق وأنها مش كل شيء وفيه أشياء أهم منها هتهون عليه أمور كتيرة …على الأقل مش هيكون مهموم لدرجة إن حياته تتحول لجحيم..
وهكذا في كل مشكلاتنا…
الحل الأمثل النظر من أعلى ثم الرجوع لتفاصيل الحياة… ساعتها هنقدر نحط المشكلة في حجمها الحقيقي..
وهنقدر نفكر كويس ونحدد الاتجاه الصحيح..
ولأن مفيش أعلى من ربنا اللي خلق الكون وخلقنا وأمدنا بكل أسباب الوجود والقوة..
فهو وحده القادر على كل صعب والمعين الحقيقي للإنسان..
انظر لأعلى واستمد منه القوة…وارجع للحياة أقوى
