كتب: فتحي حسين
صدرت الرواية الثانية للاديية الشابة ندا كامل لعنوان ” غدا نلتقي بمستشفي المجانين” عن دار الابداع للنشر والتوزيع ،في معرض القاهرة الدولي للكتاب في دورته الحالية رقم 53.
وقد اقيم حفل توقيع للرواية بمعرض الكتاب بجناح الدار هناك بحضور عدد كبير من الادباء والمثقفين الشباب .
وحول تفاصيل العمل المتميز تقول الكاتبة ندا مؤلفة الرواية : إن الإنسان وارد جدا أنه يتجنن أو يتصنف مجنون بين الناس لمجرد أنه بيعاني مرض نفسي هما اصلا السبب فيه.
وتضيف: ان أي شخص يظن نفسه عاقل فهو فقط جيد ف التخفي ليس إلا .. لأننا كلنا بنعاني مشاكل نفسية باختلاف درجاتها وغياب الدعم والشعور بالوحدة و التهميش ممكن جدا يدفع الشخص أنه “يتجنن”.
ف الاخر كلنا بنا وبين الجنون شعرة ،والناس اللي حوالينا لما بيخذلونا بيكون فى احتمال كبير أن الشعرة دي تختفي ونلاقي نفسنا تاني يوم فى مستشفى المجانين ..
وتستطرد: ده اتكلمت عنه فى الرواية ، ووجهة نظري أن الأمراض النفسية أخطر من الأمراض الجسدية بمراحل، بس إحنا بنحب ندفن راسنا فى الرمال ، لا نحبذ الشيء غير الملموس ، الجهل بيخوفنا ويصيبنا بالرعب ، الحاجة اللي مش قادرين نعالجها بننكر وجودها.
وعن دراستها تقول ندا: انا دراستي كانت فلسفة ، وعلم النفس جزء من الفلسفة التى درستها و لكن من قبل دراسته وانا أحب الاطلاع للكتب النفسية بشكل كبير واي شيئ تساعدني اتعمق فى النفس.
وتضيف :علشان كدة اللي بيعاني من مرض نفسي ومش عارفين نعالجه او عنده شيء مش مفهوم بالنسبة لنا بنختار نقلل منه ونطلق عليه مجنون .
رغم أن المرض النفسي ده ممكن يأثر على باقي أعضاء الجسم ، زي الشعور بالوحدة .. ممكن يوصلك للاختناق و تموت بأثر الاختناق فعلا ! هيتكتب أن سبب الموت الاختناق أو موتة ربنا.
لكن المرض النفسي مش هيتذكر لأنه مش متشاف ، لكن آثاره هى الموجودة ، هو الجندي المجهول ورا أي فعل سيء عكس الطبيعة الإنسانية السوية.
