قال الرئيس عبدالفتاح السيسي، إنه لن يتم عمل بطاقة تموين مرة أخرى لأكثر من فردين في اللي فات أما الجديد فلن يتم اصدار بطاقات تموين.
وأضاف “قلت لا يمكن أدي بطاقة تموين تاني لحد بيتجوز، لأنك لو بتتجوز ومستني الدولة تديك بطاقة تموين إنت مش قادر تصرف إزاي يعني.. لأ ده كلام مش مظبوط، ودي ثقافة اتشكلت في وجدان الناس مش موجودة غير في بلدنا إحنا، أن أشتري الحاجة بأقل من تمنها وأخد الخدمة بأقل من تمنها وكمان لما أخلف حد يأكلي عيالي.. ده هنا بس في البلد دي، وعشان كده هي مقدرتش تقوم خلال السنين اللي فاتت، وإحنا مسؤولين أمام الله إننا نحط الإجراءات والقواعد اللي تمكن البلد دي إنها تقوم”.
وتابع: “وبالتالي لن نضع بطاقة تموين تاني لأكثر من فردين في اللي فات، إنما في الجديد لأ مفيش”.
وافتتح الرئيس السيسي، صباح اليوم، مجمع إنتاج البنزين بشركة أسيوط لتكرير البترول بمحافظة أسيوط، بالإضافة إلى عدد من المشروعات التنموية الأخرى في نطاق إقليم الصعيد.
