قال الإعلامي عمرو أديب، إنه منذ يومين تم الحكم فى القضية الدائرة بين الفنان محمد رمضان والطيار أشرف أبو اليسر، والتى تم الحكم فيها بالتعويض لصالح الطيار أبو اليسر بـ6 ملايين جنيه، قائلا: “كان رد الفعل للفنان محمد رمضان بنشر فيديو مستفز جداً للشعب المصري”.
وأضاف “أديب” خلال برنامج “الحكاية” المذاع على قناة mbc مصر، اليوم الجمعة، أن الدولارات التى رمى بها الفنان محمد رمضان ليست حقيقية، ولكن الأهم أنه يريد توصيل رسالة بأن فلوس التعويض التى حكم بها القاضي الجليل للطيار أشرف أبو اليسر لم يهتم بها، معلقاً: “النعمة دى التى أنعم ربنا عليه بالفلوس متفرقشي مع محمد رمضان فى ظل أن هناك شعب يأتى الجنيه بطلوع الروح”.
وتابع: “محمد رمضان بالفيديو المستفز أثار حفيظة عدد كبير جدا من الجماهير التى كانت تحبه، وأصبح رمضان عدو نفسه ولم تستطيع فهم دماغه فيها ايه.. ولا ندرى ما هى الفكرة مما يفعله أمام جماهيره من استفزازات”.
وأوضح “أديب” أن محمد رمضان منذ عام كامل ويفعل المصائب، والناس أصبحت لم تعد تريد رؤيتك والناس ظروفها صعبة، مشيرا الى أن هناك فنانين يمتلكون أموال كثيرة تساويك وأكثر 100 مرة ولكنهم لم يفعلوا مثلما تفعل فى كل مناسبة ويستفزوا الجماهير بشكل صادم كما تفعل.
وأكمل: “ليه بتستفذ الناس وتكرهم فيك.. اللى أعطاك الفلوس قادر يسحبها منك فى ثانية ده بطر يا محمد رمضان.. وأنت صناعة السوشيال ميديا بلاش تستفز الناس واللى كنا نحسبه موسي طلع فرعون يا ابني إهدى وارجع لعقلك وبلاش غرور”، مطالبا محمد رمضان بالاعتذار للجماهير.
وأضاف “اديب” خلال برنامج “الحكاية” المذاع على قناة “mbc مصر”، اليوم الجمعة: “المرة دي الناس مش مستحملاك وأنت في بلد الناس ظروفه صعبة.. وعلى فكرة مش أنت بس اللي معاك فلوس فيه ناس معاها قدك 100 مرة ومش بتعمل زيك.. واللي ادهالك قادر يسحبها منك في ثانية وكل ده يضيع، ليه استفزاز الناس وتكرّه الناس فيك؟.. ده أنت داخل على شغل ورمضان”.
وتابع: ” يا محمد يا رمضان لو أنت الفلوس متهمكش كنت أتبرع بيها أو إديها للطيار اللي عملتله مصيبة”، مضيفا: “أنت مش شايف أنك بقالك فترة بتبقى تريند إزاي؟ الناس اللي أنت استفزتها هم اللي عملوك لأن جزء منك سوشيال ميديا”.
واستطرد: “يا ابني اهدى وارجع لعقلك وبلاش غرور ناس كتير أكبر منك وضاعوا في ثواني، ليه الاستفزاز والفلوس اللي أنت بترميها اللي هي مش حقيقية بيطلع عينين ناس تانية علشان توفرها؟.. لسه قدامك وقت ترجع تاني محمد بتاع الناس والغلابة والشعب ولكن لو ناوي تكمل كده أبشر، ومصر كلها وقفت على رجل تقديرًا لخالد النبوي لما عرفت أنه تعب لأنها كلها بتحبه وبتقدر قيمته وتصرفاته”.
