زووم
للمرة المائة بعد الألف الأولي دعانا صديقي السياحي الشاب لاجتماع بتقنية زووم لمناقشة مشاكل وهموم القطاع ، ورغم اليأس الذي ينتاب الكثير منا – خاصة عواجيز السياحة أمثالي –إ لا أننا نحضر كل مرة ونقول لأنفسنا لعلها تكون النافعة والمخرج من هذا المأزق !
طال النقاش والكلام والشكاوي علي الفاضي والمليان، حتي خرج علينا الحاج سعفان – وهو أحد اساطين السياحة الدينية – بمفاجأة غير متوقعة ،
قال بكل وقار و إحترام ” أنا تعبت من كتر الكلام ، وتفسير الأحلام ، ومداخلات الكرام واللئام وليس أمامي سوي شخصية سألجأ إليها معروف عنها بحل المشاكل المعقدة ونجاحاتها مؤكدة وكل ما أطلبه منكم بعد أن صبرتم لسنين أن تكملوا جميلكم ولا يأخذكم حماسكم وتتركوني استدعيها للإحتماع واسمعوا حديثي معها دون كلام أو تدخل”
وافقنا جميعا في نفس اللحظة رغم أننا عادة مالا نتفق علي شئ واحد من أول جلسة ، وبعد لحظات دخلت الشخصية الشات روم دون تشغيل كاميرا الفيديو ، وظهرت لنا صورة بروفايل بألوان غريبة فيها أشكال لمخلوقات غريبة لا تستطيع تمييز هيئتها إن كانت بشرا أم غير إنسية! وكان الإسم علي البروفايل ( الشيخة خديجة ).
سرعان ما غادر نصف الحاضرون الإجتماعومن بقي منهم، أخذ يهمهم ويتمتم في استهزاء، كان بقائي في الإجتماع ليس من سبيل الموافقة ولكن علي سبيل المجاملة للشيخ سعفان فهو بمثابة أستاذ من أساتذة جيلي ، وأجيال كثيرة انت من بعدي ، وجبر الخواطر من الصفات الحسنة التي أحاول إتباعها .
الغريب و العجيب أن كل من غادروا الإجتماع عادوا مرة أخرى ربما من باب الفضول والأغرب والأعجب أن هناك آخرون لم يحضروا الإجتماع من الأساس إنضموا لنا حتي أصبح العدد حوالي مائة وهو أقصي ما تسمح به قواعد الزووم!
بعد شرح مطول ومستفيض ختم الشيخ سعفان بسؤال للشيخة خديجة “السياحة ليه حالها واقف؟ شوفي لنا حل يا شيخة الله يرضي عليكي و يرضيكي”
تمتمت الشيخة ..السياحة ليه؟.. السياحة ليه؟ ..السياحة ليه؟!!
وفجأة سمعنا من ميكروفونها أصوات لا يمكن تمييزها هل هي ضحكات أم صرخات! وإستمرت الأصوات ونحن في ذهول حتي سكتت هذه الأصوات للحظات وقطع الصمت صوتها تقول “انت حضرت يا يوسف يا شاهين؟!.. تعال و إنصح الناس التعبانين.
ثم سمعنا نبرات صوت لشخص يتلعثم والكلام هو صوت يوسف شاهين الذي عهدناه وعرفناه!
قال اسمعي يا خديجة انا ما أعرفش اتكلم كتير، كل كلامي اعمله افلام ، أنا عملت فيلم مع المليجي و أحمد زكي اسمه السياحة ليه؟ مكسر الدنيا في كل مقابر مصر و بقاله 5 سنين شغال و الأموات بيموتوا بعض علي تذكرة سينما المقابر و كل التذاكر بتتباع سوق سوداء و بأربع أضعاف ثمنها- ها اعرض لك مشهد واحد منه علشان العالم العبيطة اللي معاكي دول يروحوا يسرحوا بأي بضاعة في مترو الأنفاق أو اللي يقدر يشتري له توكتوك يشتغل عليه!!
مشهد 1 – نهار داخلي – زنزانة في أحد المؤسسات الأمنية – المحامي والسياحي :
السياحي : متشكر قوي للمحكمة اللي انتدبتك علشان تكمل الصورة المزيفة للعدل والقانون، اتفضل يا أستاذ انا مش لازمني محامي انا اعرف ادافع عن قضيتي كويس وها أثبت أن السياحة ما ماتتش
المحامي : خلصت اللي عندك؟ قسمتك بقي إني أترافع عنك – عاجبك أو مش عاجبك ها أترافع عنك .
السياحي : الله – قلت لك مش محتاج محامي – اتفضل ….. يا شاويش حنفي .
المحامي : انت يا ابني خايف لأكسب القضية؟ من الناحية دي اتطمن ..ها أخسرها… 99 % ها أخسرها، وحايحكموا عليك ، و ها يكون حكم قاسي جدا ، غالبا ها يحكموا بالموت النهائي للسياحة المصرية – و للمرة المليون ها يقولوا علي محامي حمار ، نعمل ايه؟ قسمتنا كده حمار بيترافع عن حمار.
السياحي : طيب لما انت عارف إنك ها تخسرها- جاي ليه؟
المحامي : تنفيسة.. تنفيسة ليا وليك، كلمة حلوة نقولها، صحفي عنده ضمير يلقط مننا لمحة نضيفة، مسئول يفلت منه كلمة شجاعة و يخلي السياحة ترجع ..أهي تنفيسة للكل.
- زمن ..زمن تبقي مصر فيه عندها تلت آثار العالم و 2000 كم شواطئ و مش عارفة تجيب سياح وعايز السياحة ترجع؟!!.
- زمن مصر بتشتغل فيه سياحة من 70 سنة و تيجي إمارة قد شبرا تبقي الرابعة علي العالم في عدد السياح بقالها 6 سنين وعايز السياحة ترجع؟!!.
- زمن فيه مملكة كانت كلمة سياحة فيها من 5 سنين كأنها عبادة أصنام وبعد 5 سنين ها يجيلها أكبر عدد سياح في المنطقة وعايز السياحة ترجع؟!!.
- زمن يجيبوا فيه وزراء للسياحة ما يعرفوش سياحة – اللي يقول 6×6 ، واللي تروح فيه كأس العالم بطيارة خاصة وتصرف 7 مليون دولار، وتقعد تقول لك إعادة هيكلة وتغير ال NN وتسميه HC وعايز السياحة ترجع؟!!.
- زمن العالم بيربط فيه السياحة مع الطيران واحنا بنربطها مع الآثار وعايز السياحة ترجع؟ !!.
- زمن المبادرات فيه بتتعمل علي الورق وتطلع شو إعلامي وما تتنفذش في الواقع وعايز السياحة ترجع؟!!.
- زمن ينطبخ فيه القوانين في (الغرف) ويقولوا لك علشان كورونا مفيش جمعيات عمومية تعمل حوار مجتمعي وابعتوا لنا ملاحظاتكم بالنت أو الفاكس وبعدين يطلعوا الأغلبية موافقة عليه وعايز السياحة ترجع؟!!.
- زمن فيه صفحة محمد صلاح عليها 12مليون متابع و صفحة سياحة مصر عليها 700 ألف متابع وعايز السياحة ترجع؟!!.
- زمن فيه اكتر من 2500 شركة سياحة 90 % منهم بيشتغل سياحة حج و عمرة و20 منهم يجيبوا سياحة خارجية والباقي بيشتغل سمسرة و بيع حصص وعايز السياحة ترجع؟!!.
- زمن الأجنبي فيه يقعد في فندق 5 نجوم آكل شارب نايم و يسكر ب 20 دولار في الليلة والمصري يقعد في نفس الغرفة وبدون خمرة ب 750 جنيه في الليلة وعايز السياحة ترجع؟!!.
كل اللي أتمناه انهم يخففوا الحكم و يعملوه تأجيل إعلان موت السياحة.. هههه يمكن ترجع !!.
مشهد2 – نهار داخلي – قاعة محكمة مظلمة
القاضي : نظرا لغياب المدعوة سياحة لأكثر من 10 سنوات دون أي أثر- حكمت المحكمة بثبوت وفاتها وإستخراج شهادة وفاتها
خلفية لفندق 5 نجوم يرقص و يسكر فيه مجموعة ناس من شرق أوروبا علي موسيقي مهرجانات
خلص الكلام – نقطة ومن أول السطر
كاتب المقال
عادل شكرى
الباحث والخبير السياحى
مدير إدارة العمليات بشركة بي هوست سيرفيز دبى
الأمين العام لغرفة المنشآت الفندقية بجنوب سيناء الأسبق
https://www.youtube.com/watch?v=vLhF0OU2L0c
الباحث والفندقى ” عادل شكرى” يكتب لـ ” المحروسة نيوز ” عن : يا عزيزي.. كلنا “متفيرسون” !!
الباحث والفندقى ” عادل شكرى” يكتب لـ ” المحروسة نيوز ” عن : يا عزيزي.. كلنا “متفيرسون” !!
الباحث والفندقى ” عادل شكرى” يكتب لـ ” المحروسة نيوز ” عن : يا عزيزي.. كلنا “متفيرسون” !!
الباحث والفندقى ” عادل شكرى” يكتب لـ ” المحروسة نيوز ” عن : يا عزيزي.. كلنا “متفيرسون” !!
الباحث والفندقى ” عادل شكرى” يكتب لـ ” المحروسة نيوز ” عن : يا عزيزي.. كلنا “متفيرسون” !!
الباحث والفندقى ” عادل شكرى” يكتب لـ ” المحروسة نيوز ” عن : يا عزيزي.. كلنا “متفيرسون” !!
