ولما كانت الحياة دروس كتبت بعض الدروس..و ليس اي دروس ..الدرس (17-5 ) “ان لبدنك عليك حق“
..لو متابع قصة تحدي السيارة وما قمت به في خلال سنة أواكثر عشان اشتري أول عربية من فلوسي.. فلازم تعرف ان اللي استلفته من الوالد رحمة الله عليه ، رديته لأني كملت بعد ما اشتريت العربية شوية لان شراء العربية حاجة و مصاريف تشغيلها حاجة تانية ، من صيانة و بنزين و خلافه
و اهم من ده كله ايه اللي حصل بعد ما اشتريت العربية ونقلتها بإسمي وبقيت سعيد بنجاحي روحت ازور جدتي رحمة الله عليها وكان عندها بيانو في غرفة الصالون وقعدت اعزف عليه (تقولش بيتهوفن) وأصلا ان شغال بنظام سمعاي ومشي ايدك حاتظبط في الاخر قطعة المزيكا ان كانت ام كلثوم او فريد الاطرش.
المهم و انا بأعزف قمت من مكاني و نمت علي ظهري في وسط الاوضة و انا باصص للسقف و غمضت عينيا و بدأت اسأل نفسي و اراجع رحلة تحدي العربية .
كام مرة الحاج كان بيقولي الجمل دي : ان لبدنك عليك حق !!
يابني ريح جسمك شوية !
يا حبيبي ربنا خلق الدنيا في 6 ايام لنتعلم من صنعه وكان يقدر ان يقول كن فيكون
و انا بأرد عليه ان ما كنتش اعمل كده و انا شاب حاعمله امتي؟
يرد من جار علي شبابه جارت عليه شيبته!
وماما بقت تراقب و تقوله ايه العند اللي فيه ابنك ده الله يلعن العربيات .. ما عنده عربيتي
كل ده خواطر لفت في راسي و انا نايم علي الارض
ثم بدأت اسأل نفسي سؤال واحد في صيغة خليتني بعد كده اتحرك بالعقل
و السؤال هو : برافو عليك هايل انك نجحت و كسبت التحدي بس ممكن تقول ماذا لو مت الان ؟.. اتخضيت !!
والسؤال اللي وراه ، حسبت مدي الاضرار اللي حصلت لجسمك نتيجة السهر وقلة النوم والكبريت اللي شميت ريحته ؟.. لو جرالك حاجة كنت حانبقي فرحان؟!.
الدنيا اظلمت لثواني ولكن المقاوحة اللي فيا ردت علي الاسئلة كلها واسعدتني مرة تانية.
– طبعا فاكر كام مرة نصحوني وساعات كنت فعلا باخش انام بس كنت بأبقي ناسي نفسي و م كانوا زي جرس الانذار واكيد اني ما كنتش بأسيب نفسي لما ابقي زي ليلي مراد في غادة الكاميليا.
– وايه يعتي لو مت حاتبقي أسطورة انك نجحت، وحققت حلمك .
فأرد علي نفسي تاني ودمرت احلام ابوك و امك من العند
– و بعدين ما انا الحمد لله عديت ونجحت ، اديني انعلمت بس أوعي تحاول تنكد علي نفسك في اخر المشوار فالموت هو الحقيقة الوحيدة
قمت علي صوت جدتي ، وهي كأنها تقوم بصب الماء علي زرعة قاربت علي الجفاف بكلمات رائعة
” انت يا واد يا تنتون جبت عربية صحيح من شغلك .. والله برافو عليك تستاهل بوسة”
(تنتون كان اللقب اللي جدتي او تتا كانت بتحب تناديني بيه)
ردت فيا الروح و قلت لوسواسي اللي اكل دماغي مقولة الشهير يوسف بك وهبي في فيلم اشاعة حب ” يا اخي اتنيل بقي يعني انت اعمي العين و القلب كمان”
الله يرحمك يا تتا فرحتيني بروحي … الفاتحة علي روحك و روح بابا وماما
ولو تكررت التجربة فلن اتغير فما اطال النوم عمرا … ولكن ان لبدنك عليك حق
{ إن الذين آمنوا وعملوا الصالحات إنا لا نضيع أجر من أحسن عملاً } 30 الكهف
أتمني اكون افدتكم
كاتب المقال
الدكتور حسن صادق رضوان
المحاضر المتخصص في التحول الرقمي لقطاع السياحة
الخبير والمحاضر التسويقى الدولي
العضو المنتدب ورئيس مجلس ادارة شركة CIHOST
“الدكتور حسن صادق رضوان”يكتب لــ ” المحروسة نيوز ” عن : دروس الحياة 17 “تحدي السيارة”
“الدكتور حسن صادق رضوان”يكتب لــ ” المحروسة نيوز ” عن : دروس الحياة 17 “تحدي السيارة”
“الدكتور حسن صادق رضوان”يكتب لــ ” المحروسة نيوز ” عن : دروس الحياة 17 “تحدي السيارة”
“الدكتور حسن صادق رضوان”يكتب لــ ” المحروسة نيوز ” عن : دروس الحياة 17 “تحدي السيارة”
“الدكتور حسن صادق رضوان”يكتب لــ ” المحروسة نيوز ” عن : دروس الحياة 17 “تحدي السيارة”
