الخبير السياحى “معتز صدقى “يقدم روشته عبر “المحروسة نيوز “عن: إزاى تعيش سعيد في مصر ..بجد مش هزار؟

إزاي تعيش سعيد في مصر ..

بجد مش هزار  ؟                 

1.  اشتغل جامد عشان تلهي نفسك وتعمل فلوس تخليك تعمل ال bubble بتاعت

2. حاول تخلي  كل حاجة قريبة للبيت عشان متضيعش عمرك في الإشارات وعلي كوبري أكتوبر

3. ماتتفرجش  علي التلفزيون عشان تحافظ علي قواك العقلية. اديها مسرح واوبرا you tube و Netflix او روح السينما 

4.  أي حد يكلمك عن البلد من الناس الي بالي بالك،إديهم ابتسامة كبيرة وقوله “إن شاء الله خير”.

5. في وقت فراغك أقعد مع أهلك واتكلم معاهم وحبهم واقعد ومع الناس الإيجابية وابعد عن الناس الشكاية و السلبية

6.  قدر اللي عندك عشان غيرك معندوش وساعد الناس

7. العب رياضة وخصوصا المشي كل يوم الصبح بدري قبل اتوبيسات المدارس عشان تفرغ الطاقة السلبية وعشان تاكل براحتك … الأكل في مصر حلو اوي

8.  اعمل دماغ أي حاجة: قراءة، أكل، شرب، عبادة، رياضة، مزيكا، ماكدونلدز….. اعمل دماغ أي حاجة

9.  سافر كتير واعتبر مصاريف السفر مصاريف علاج

10. روح أماكن سياحية في مصر عشان تفتكر هي حلوة قد إيه.

كاتب المقال

معتز صدقى

عضو الجمعية العمومية لغرفة شركات ووكالات السفر والسياحة

مدير عام شركة ترافكو هوليدايز

مدير قطاع الطيران و السياحة الخارجية والطيران بشركة تراڤكو

 نائب رئيس لجنة السياحة بالغرفة الأمريكية