دب طاخ
“زغردى ياولية “..الشعب بقى” سوابق “ياحسنية!!
احالة حاجة و خمسين مليون الي النيابة العامة.. نظرا لتخلفهم عن اداء حق من حقوقهم الدستورية … امممم يعنى أكثر من نصف الشعب المصرى بلغة الشارع ” سوابق ” طالما فيها نيابة وعرض وطول عليها .. ونيابة صباحية .. ونيابة مسائية .. وهلم جره !!
طب فيه كام سؤال ليك و مع نفسك ترد عليهم و بعد الاجابة ابقي قولي رأيك
ما مدي اهمية محلس الشيوخ في عذه الايام؟!!!
- حاتقولي الحياة السياسية و الذراعين التشريعين و الكلام ّّ.!!
- انا بسألك دلوقتي حالا ليه ؟!!.
- هو الغرض الاستحقاق بطريقة محترفة و صحيحة.. ولا الغرض انه يتعمل بغض النظر عن مين اللي دخله ؟!! بخلاف طبعا ال 100 المعينين ّ!!
- هو اللي اختار الموعد في اتفاجئ.. و لا القرار طلع في يومين ؟!!
- طب لما هو مش مفاجأة ما جهزتش تصويت رقمي ليه زي ما تعرف تلم و تحصل قلوس الدولة ؟!.
- ايه الإحتراف في انك تخلي الناس في المصيف وتقولهم انتخبوا ناس عاملة الدعاية بتاعتها حنب بيتكم الاصلي مش المصيف؟!!.
- ايه الحرفنة انه في زمن منعت فيه صلاة الجمعة علي الرغم من توافر كافة الإجراءات الاحترازية لكن الناس تروح تنتخب ؟!!.
- قبل ما تعمل ابو العريف ..هو حضرتك عارف ثمن التذاكر و البنزين اللي حايتم هدرهم علشان الناس ترجع من المصيف ؟!!،علشان تنتخب ناس ماتعرفهاش!!
- هو حضرتك ما عملتش من قنواتك اللي تسد عين الشمس ..لتعريف الناخبين بالمرشحين في مناطقهم ليه ؟!!.. عاملها مفاجأة و لا عشان يختاروا اي حد والسلام و تقول خلصنا الاستخقاق !!
- لما المصيف مش مهم اوي كده ودي رفاهية علي الناس في الحر ده …. ممكن تديني سبب واحد لصرف الملايين علي مبني مجلس الوزراء في العلمين ؟!!
- و الناس حاتروح تنتخب و تدفع المترو اللي تذكرته نطت في السماء وتخلص شوية الطاقة اللي حصلتهم من الرغيف المصغر ؟!!
- طب ما فكرتش تحط في ورقة الترشيح خانة ممتنع عن التصويت علشان توصل لإحصائيات صحيحة؟!!.
- انا سألتك كام سؤال فكر فيهم ولما تخلصهم قولي.. معايا كتييييييييير تانيييييين غيرهم!!
- و احب ازيدك من الشعر بيت ان روحت انتخبت عشان كنت قاعد في القاهرة بحاول اشتغل لتعويض ما افسدته الكورونا!!
كاتب المقال
الدكتور حسن صادق رضوان
المحاضر المتخصص في التحول الرقمي لقطاع السياحة
الخبير والمحاضر التسويقى الدولي
العضو المنتدب ورئيس مجلس ادارة شركة CIHOST
