“رانبا محمد” تكتب بالعامية ل”المحروسة نيوز” عن : فتتعلم كيفية أن تكون إنساناً ؟!

اعتقد ان زي ما في ناس جاهله قراءة و كتابه فهناك  ناس جاهله انسانيا بمعني: الجاهل انسانيا دا معندوش فكرة ازاي يستوعب الي قدامه، معندوش الملكه اللي تخليه قادر انه يريح او يفك كرب مهموم او يحل مشكله من غير ما يعاير او يبكت، و بالتالي عمره ما هيبقي رقم 1 ف دماغ اي شخص واقع ف مشكله لانه دايما كلامنجي وعود ف الهوا .
الجاهل انسانيا دا ههتحطه ف اي خانه مش هيسد لا هينفع يبقي صاحب ولا هينفع يبقي اخ و لا يبنفع يبقي اب بعدين . المشكله ف الشخص دا انه ضرره للغير بيبقي اكبر من ضرره لنفسه لان ببساطة الكلمه الوحشه بتبقي زي الرصاصه بتقتل و لو مقتلتش تجرح و تعلم مكانها و كل ما يقع عليها نظرك تفتكر وجعها .
ف حديث عن الرسول صلي الله عليه وسلم كان بيقول (يا عائشه ان من شر الناس من تركه الناس اتقاء فحشه ) بمعني انه اشر الناس منزله يوم القيامه الي الناس بتتجنبه و بتتجنب الكلام معاه عشان بيخاافوا من لسانه و بيخافوا يتجرحوا بكلامهم .
ف زي ما بتتعلم ازاي تبقي مدرس او مهندس او دكتور اتعلم ازاي تبقي انسان و تبقي فخور بأنسانيتك دي اتعلم ان الكلمه الطيبه صدقه اتعلم انك فليقل خيرا او ليصمت اتعلم ان {و لو كنت فظا غليظ القلب لانفضوا من حولك} اتعلم ان النفاق جبن و مفيش اقذر من نفاق المشاعر و انه المراحل الاخيرة من سواد القلوب .