الخبير الدولى ” علاء خليفة ” يكتب لـ ” المحروسة نيوز ” : النجاح .. لا صدفة .. ولا حظ !!

كتير من الناس مستنية الفرصة تيجي لحد عندها، بس الحقيقة إن الفرص بتجيلك بس وإنت بتجري وراها وده اسمه قانون الجذب . ولو مستني اللحظة المناسبة، يبقى انت مستني على الفاضي… اللحظة المناسبة هي دلوقتي!

الفشل؟ عادي جدًا، هو جزء مهم من الطريق. واعرف ان “اللي ما بيغلطش، ما بيتعلمش”، والمهم إنك تقوم تاني وتكمل. واللي بيوقعك النهاردة، ممكن يكون هو السبب في قوتك بكرة. كل سقطة هي درس، وكل خيبة أمل هي خطوة لقدام.

وعلى سيرة الناس اللي حواليك، خليك دايمًا مع اللي يشجعك، مش اللي يحبطك. “صاحب فقط اللي يشوف فيك مستقبل ، مش اللي يشوف فيك ”، الصاحب اللي بيخاف عليك وعايز يشوفك أحسن هو ده اللي يستحق تبقى معاه.

وعلى فكرة، الفرص مش بتخبط على الباب، إنت اللي لازم تفتح الباب وتدور عليها. “اللي مستني الفرصة تيجي، عمره ما هيلحقها”، فابدأ، حتى لو بخطوة صغيرة، لإن الخطوة الصغيرة دي ممكن تغير كل حياتك.

وطور نفسك كل يوم، اتعلم حاجة جديدة، جرب، لا تخاف من التغيير. “اللي ما بيتغيرش، حتما بيتكسر”، والدنيا مش بتستنى حد ولا بتقف علي حد . خليك مرن وطور من نفسك، لإن العالم بيتغير بسرعة واللي واقف في مكانه هيتساب ورا.

وفي الآخر، تذكر دايمًا إن النجاح الحقيقي مش في الفلوس ولا الشهرة فقط ، النجاح الحقيقي في الأثر اللي بتسيبه وراك عند الناس.

الحياة قصيرة، ومفيش وقت للندم أو الخوف. ابدأ النهارده، حتى لو كان الطريق طويل. أهم حاجة إنك تمشي فيه، مش تقعد تستنى!