الخبير التسويقى علاء خليفة يكتب “بالعامية ” لـ ” المحروسة نيوز ” عن : مسالة حرق الأسعار للبرامج السياحية وأشياء أخرى!!

في مساله حرق الاسعار البرامج السياحيه : سنلاحظ ان تفكير بعض الساده اصحاب الشركات في سكه تانيه خالص هذه الايام ، كثيرا منهم اليوم يتحدثون ان المرشدين حرامية و انهم من ساعه ما اتعلموا يعملوا كوتيشن ودخلو مطبخ الشركات كابرويشن و ابتدا حرق الاسعار . 

عيب جدا يتقال الكلام ده علي المرشدين لان دول هما عماد صناعه السياحة ومن غيرهم لا تستقيم الامور ! … ديه صناعة تعتمد علي المنافسه مثل اي صناعه اخري ولكن تذكروا نحن نعتمد علي السياحة الثقافيه وده جزء كبير جدا من شغلكم و المرشد السياحي عنصر اساسي جدا فيها .

اولا 60 ٪ من شركات السياحة العاملة في الاستجلاب في مصر اصل موسسيها مرشدين محترمين و ناجحين جدا مثلا ا.محمد حسنين ،خالد المناوي، ا فتحي اسماعيل د. حسام هزاع ومجدي صادق و غيرهم و اسماء كثيره لامعة في الصناعة لا اتذكرها … مهنه الارشاد ديه من اعظم المهن بالعالم و هي اللي من غيرها مش ممكن يكون فيه اي جذب سياحي.

كلامكم للاسف يدل علي عدم فهم عميق للامور ! مفيش حاجه اسمها مطبخ واسرار في السياحة لو انتم فاهمينها صح وبتشتغلوها … شغل السياحة مش درس كمياء وفيه مقادير ووصفات ، ببساطه شغل السياحه صناعه خدمه فيها تكلفه و ايراد ورضا عميل ومكسب للشركه يوازي اويتعدي تكاليف تشغيلها اما اين تجد العميل فهذا امر سهل و تقدر تصل اليه باي طريقه وتتواصل معاه ..

هو بس اغلبكم لما اتحول من حج وعمره وجرب سياحة الاستجلاب كنتم محتاجين ناس بتتكلم اللغه بطلاقه للتعامل مع الشركات ومفيش في مصر غير المرشدين للقيام بهذا الدور او تروحوا تجيبوا ناس تعليمها عالي و تدربوهم وتدوهم رواتب عالية وتصرفوا شويه زي بقيه البشر … ولكن الطريق السهل هو ما ذهبتم اليه الاستعانه بالمرشدين و الان تقولون سرقوا الشغل.

مساله حرق الاسعار انتم اللي عملتم كده في نفسكم! وبالاصح انكم فيكم كتير من الدخلاء علي الصناعه من التجار والكومسيجية

وطبعا كل واحد بيتشتغل بمزاجة وبيحرق سعر علشان يخطف من بعضو!

بس تعرفوا ايه خرب السياحة بجد في مصر ونزلها من مكات يباع بسعر عالي وله قيمه الي ارخص المقاصد للسياحه ؟

1- اول ما الشركات ابتدت تاخد عمولات كبيره ومبالغ فيها في المحلات واول ما محلات السياح والبزارات ضعفت نسبه العمولة وصلت ل 60  و70 ٪؜ !

انتم كده غلط و شغلكم كله غلط.

العموله ديه في كل العالم لاتتروح من 10-15 و بتكون للمرشد والسائق فقط

مفيش شركه بالعالم بتاخد عمولة علي محلات و علي مطاعم و علي كل المزارات

2- رحلاتكم الاضافية الي بتتوضب في الحسابات الغير رسمية . لو كل واحد منكم اثبت دخلة من الرحلات الاختيارية كان اخد حقه و اعطي حق الغير وثبت السعر بدل ما هي بورصه اسعار مين يحرق وينزل بالسعر اكتر ( ماهي كلها بره منظومه بره الضرائب)

اخيرا نصيحتي لكم اتحدوا و صلحوا منظومة الدخل العام عن طريق البعد عن مصادر الدخل التي ربما تجعل الاخر من منافسيك يحرق السعر لك مثل دخل الاوبشنال و العمولة واجعلوها ميثاق شرف بينكم

ساعتها كله هيبيع بنفس السعر …