علي الرغم اني اتكلمت في الموضوع ده قبل كده الا اني مش عارف اسكت
هو معالي وزير التربية و التعليم بيعمل ايه و حكاية التابلت الخايبة اللي بقت فضيحة معالي رئيس الوزارة ساكت عليها ليه ؟؟؟؟؟
هو ده العمل الجماعي … طبعا لا ده الفشل بعينه
لما الوزارة مافيهاش حد عارف اصول اعداد و تركيب و تشغيل الانظمة بتفتوا ليه و ايه لازمة وزارة الاتصالات اللي هي اصلا مسؤلة عن تكنولوجيا المعلومات .. و كما اعرف معالي وزير الاتصالات عمرو طلعت و اعرف ايضا انه خريج من شركة عملاقة (اي بي ام ) مملكة الحاسبات في العالم
معالي رئيس الوزراء مسؤل مباشرة عن ما يحدث من عدم التعاون بين الوزارات و عليه محاسبة لمن تسبب في اهدار المال العام و اهدار وقت و كرامة الطلاب
يا سادة الموضوع لو تدخل فيه فخامة الرئيس حايخلص في ربع ساعة… فريق من وزارة التربية و التعليم و الاتصالات و التخطيط و المالية عشان الامور تيسر و نبطل فزلكة
طول ما مفيش محاسبة طول ما حايفضل العك
اما الاغرب فهو موقف لجنة التعليم في مجلس النواب
يا سادة ان الاعمال بالنيات امام الله سبحانه و تعالي … اما امام البشر فبالنتائج و تحقيق الانجازات
هي مش فوضي ….فيه اصول لكل شئ و هناك خبراء في مصر في كل المجالات و لابد من فتح تحقيق فوري في التابلت و نظام الامتحانات و الاموال المهدرة علي الاوراق و الشحن و النت و الفشل دي مش ناس توصلنا 2030
