ولما ضاق البيت على جسمى …….
ونامت الاوض تحت الحيطان ……..
طلعت راسى من الشبابيك ……
اللى باصه ع الغيطان …..
لقيت الزرع قالع توبه الاخضر …..
وملتم كما النسوان …..
ناديت عليهم ……
انا اللى قريتو كراريسى ……
وياما بكيتو من احاسيسى…
وساكن معاكم ف نفس العنوان ….
كلنا واقفين طوابير على باب السجل …..
كل واحد قرفان من اسمه ……
هربان من جسمه ……
ملقحين عنيهم تحت رجليهم…..
عشان كده يا زرع
انا جاى ليكم ….
ازرع نفسى وسطيكم ……
وهفك عضمى ….وامسح شكلى …..
واعيد تكوينى من تاااانى….
